讓自已的故事從頭開始

今日頭痛左一日，人老啦，唔可以訓太多，

一到十點都唔落床，個頭就會好痛。

無所事事響屋企，執下房，睇下書。

有鋪買書引，買埋買埋好多都未睇晒，

咩書都有興趣，小說，散文，公仔書…乜都想睇。

不過對果種投資經濟既工具書，就避而遠之。

性格係咁，我都無辦法。

如果唔係，都唔會搞到投資失利，輸身家啦。哈

夜晚同 R 公子去 Chicco 買左張 BB 床，

將床係我送比佢地將出世 BB 既禮物。

本來我響荷花親子睇中另一張，

但佢地為我銀包著想，都係買依張算。

不過都唔平架，嗚…我今個月又要節衣縮食啦，

如果唔係年尾無得去旅行，

不過最緊要都係大家開心，錢總要花。

烈日當空的下午

站在無人的街上

把過去放在路旁

感身陽光帶來的刺痛

不開心 只能找個地方靜下來

很想飛 但願思想隨著風漂蕩

在空中化開

灰飛 煙滅

好耐無去過廣城食野，而家真係好多人。

舊式手做刨冰紅豆冰，

紅豆好沙，刨冰粒同紅豆搞混，唔會太甜膩。

每次去深水步，總會去劉森記食碗麵，

之後行去坤記買件白糖糕。

細細個己經好鐘意食白糖糕，

以前住屋村，會有個呀伯上樓賣白糖糕、豆腐花，

每日總會嘍呀媽買比我食。

咬住舊白糖糕，就好似咬住舊雲咁，香香甜甜。

你話好好味，其實只可以講係合格、應該。

紅豆冰本來就應該有紅豆味，

白糖糕本來就唔應該有酸味、少甜。

可惜，小時侯既味道漸漸消失。

響依個急速既社會，有時停一停，望一望，

會發覺身邊事物己經響不知不覺中消失，

想再找呢，己經無法再尋回。

好好笑測名，

打自已中文名落去，就會 show 你個腦裝乜。

http://maker.usoko.net/nounai/

基本是解釋如下: 

疲 = 發懶的頻率頗高，工作上也超累　　
狂 = 癡迷事物　　
私 = 自己　　
服 = 注重外表　　
惱 = 煩惱　　
愛 = 愛情　　
樂 = 樂天　　
怒 = 脾氣很大喔　　
幸 = 很善待自己的一個字眼　　
休 = 能坐就不站、能躺就不坐　　
H = HIGH 專指SEX上　　
食 = 吃　　
眠 = 眠、愛困　　
金 = 錢　　
欲 = 物欲、權力欲　　
秘 = 密秘、藏私、隱私　　
遊 = " 七逃 " 人、" 漂泊人仔 "
服 = 牆頭草、西瓜性格　　
噓 = 謊言　　
慟 = 壓抑、負面情緒、工作　　
惡 = 壞心眼　　
善 = 好人一枚　　
忘 = 健忘、放空、無我之境界　　
逃 = 逃避、駝鳥族　　
學 = 和中文一樣是學習　　
酒 = 能有

唔洗認真，當笑話玩下。

我個腦，裝咁多秘密做咩？！

病左成個星期，終於病好。

上個星期響三水返香港之後，就一直病，

醫好喉嚨發炎之後就到流鼻水。

上星期六上左佛山三水，

去咁遠就係為左影日出荷花。

可惜星期六去到，可能之前落左兩個星期雨，

驟眼所見，無乜荷花開。

真係訓唔慣生保床，本來自已都唔係一個訓得好既人，

結果一夜無眠，星期日朝早四點半起身，五點落到荷花池。

拎住個電筒係咁照，希望搵到幾朵靚既花可以影。

差唔多六點日出，不過有舊雲響地平線頂住，

搞到日出果時光線好弱唔靚。

不過都唔理得咁多，落腳架照影，

本來諗住長曝，但太大風又要放棄。

大風，弱光，對焦不能，只好轉手動對焦，再推高 ISO，

不過推高 ISO，質數不能接受。

有時都幾氣餒，眼見朋友影完十幾張，

用 ISO 1600 影出黎質數完全無問題，

而自已就 ISO400 拉風箱，仲要估焦逐張睇下對唔對到焦，

白白浪費晒時間。

影到九點返酒店休息一陣，食少少野就榨車就返深圳。

返到屋企先兩點，乜都唔理，沖完涼就繨落床訓。

訓到五點，朋友話失戀，又死死地氣換衫出去陪佢。

見到面，第一句就恭喜佢失戀。

ummmm .... 唔係我無人性，

而係，既然兩個人一齊唔開心，性格根本合唔黎，

大家只懂得傷受對方，咁長痛不如短痛啦，

分完又一齊，無耐又再分過，之後又一齊，玩咩。

又唔係未盡過力，唔憤輸，覺得付出咁多，

點解無收成，最後只會越輸故越多。

女人常問，點解自已搵唔到好男人。

但點解唔自問下自已係咪好男人想要既女人呢？

有D女人，好男人連掂都唔敢掂，遠遠見到，都唔敢走近。

當然另外一個可能，好男人，基本比女人 label 左系悶人，

女人一眼都唔會望既悶人。

多次感情失敗，唔應該去埋怨，應先自我檢討。

另一個朋友最近又分左手，

分手前常怨無自由，無時間做自已喜歡既事，

分手後又怨唔習慣無拖拍既日子，覺得生活好無聊。

其實我真係唔太明佢地，係咪當局者迷呢？

點解唔靜落黎，問下自已，到底想要咩？

明知個人唔適合自已，再落去只會互相傷害。

話人困住你既，當初又點解肯比人困住呢？

如果自已既原則係咁緊要，點解會因感情既改變而改變原則。

如果一切都無諗清楚，唔知自已想要乜，

咁自已又能夠追求 d 乜呢。

好多事情，錯過了，也許永遠追唔返，

所以，想一想，諗一諗，

自已追求既系咩，之後努力去爭取。