南生圍，位於元朗的北面，與元朗舊墟一河之隔。

南生圍原本有很多基圍、漁塘及農地，

而村民大多在塘邊架起小木屋居住。

今日再一次去南生圍，因為係假日，

所以比平時多好多人，有人放狗，

有唔少人玩搖控飛機，

更加發現好多 model 穿著婚紗攝影。

導演:
彭順(Pang Shun)

主演:
蔡卓妍(Charlene Choi), 余文樂(Shawn Yue), 梁洛施(Isabella Leung)

片種:
驚慄

級別:

日期:
2006-10-26

梁詠娜自與男友亞坤分手後，整個人生像塌了一半，經常自困於胡思亂想的世界，直到有天，她遇到了與亞坤極為相似的偉豪。詠娜好友亞儀希望她能從憂鬱的世界活過來，鼓勵她與偉豪發展。詠娜與偉豪真的開始交往，一切就像當初她與亞坤交往的過程一樣，甚至兩人關係也像對上一次一樣，很快進入了冷淡期，偉豪開始變心了?又抑或只是詠娜開始墜入了妄想的國度，認為偉豪變心了

******

因為彭順，所以去睇，佢地拍既睇，意識比畫面嚇人。

因為以前對精神分裂、精神病果類有所認識，

我一路睇一路打冷震，睇完仲覺得好心寒。

主角眼神表達到精神病既神態，

其實，我覺得套戲己經好易明，劇情己經表達到好清楚，

我仲覺得佢表達得太白，如果係中間出導演名果時完左佢，

唔作之後既任何解釋，咁可能仲好。

所以好奇怪點解上網睇到 D 評論會話唔明結局講咩。

仲有人覺得好失望，因為講驚慄效果，只有一幕嚇人血腥畫面。

其實我地唔係睇緊德州電鉅殺人狂，套戲無血腥畫面有幾奇。

定係而家 D 人己經唔肯用腦思考，只會接受觀能上既刺激呢？

散場時，仲聽到有人話套戲悶話，唔明個劇情，

但係我就見佢地套戲做緊果時一路都玩緊電話，

再唔係就係咁傾計，咁唔專心去睇戲，試問點會睇得明呢？

最尾余文樂有一句令我好震撼，

非常簡單既一句 "無理由架，都咁耐咯"，

情侶間可能一句小小既說話、一 個小小行為出錯，而做成重大既傷害。

*****

有否想過，現在眼前的一切，只不過是自已的妄想？

如果是真的話，我害怕有醒的一天，而甘心活在夢中，

因我怕夢醒後，我再次變得一無所有。

沉晚去左海洋公園哈囉喂，

五點半準時入場，嘩，好多人。

過左另一邊山睇左水母先。

其實一值都好想去睇水母，但一來無人陪我去海洋公園，

二來又怕多人，今次正好機會去影餐飽。

不過入到去都係好多人，無時間比你等等影，

只係隨便影幾張就算。

睇完水母就玩過山車，第一次坐車頭，撞到耳仔好痛。

之後就去鬼屋睇睇睇，沿路都好多鬼鬼走出黎嚇你，又比你影相。

每間鬼屋都大排長龍，要排 30-60分鐘以上，

好彩我地係左尊門票唔洗排隊，不過每次放太多太多人入去，

所以成日行下停下，前面 D 人又依嘩鬼叫，搞到有曬心理準備都唔會驚。

反正我個個人都後知後覺，就算跳出黎嚇我，

我個腦都要諗一諗先知發生咩事，乜驚都過曬啦。哈

*****

這麼，誰是我的 Superwoman。

沉晚上堂學整蛋糕，但係因為元朗新田公路撞車，

搞到大塞車，結果本來四個字車程就變左個半鐘。

等我出到油麻地都遲左兩個字。

呀 Sir 講講講，我地係咁整整整，

話咁快就整好個餅底，朱古力忌廉同朱古力條條。

切蛋糕果時唔覺意切埋個餅母 D 鐵出黎，不過放心，

我雕返走曬，唔係既話，我個蛋糕就真係含有豐富鐵質。

手起刀落，三層蛋糕就搞掂，幾似 M 記巨無霸漢堡包。

掃好曬 D 朱古力忌廉，淋上之前整好既朱古力條條同朱古力粉。

咁就完成。

入埋盒，咁就 fit 曬。

試食呀 sir 既蛋糕，D 朱古力條條實在太甜太甜，

如果係用我鐘意食既 dark chocolate，落少 D 朱古力粉，

朱古力條條再粗 D ，我諗咁都唔錯。

放學，同彤去食飯，食完飯當然係食蛋糕當甜品，

果然，非常甜，食少少都會肥死。哈。

之後果半個就留比 Mr.R 同山，佢地話甜到毛管棟。

嘻，仲肥唔死你地。

其實整蛋糕都幾好玩架，不過上堂 D 時間就太急，

如果識識地整，又有工具，係屋企慢慢整都唔錯架。

50mm F1.4 終於有貨，今日放工就出去星際二樓買左，

睇鋪果個仲好鬼好人，有問有答。

聽講聽日仲會返支 AF Reflex 500 F8 同埋

MF STF 135mm F2.8(T4.5)。

AF Reflex 500 F8 係世界唯一一支 AF 既反射鏡，

雖然光圈得 F8，但係誇張既甜圈效果驚人，當然 AF 既好處更加唔洗講。

而 MF STF 135mm F2.8(T4.5) ， STF 係 Smooth Trans Focus，

依支鏡，唔識形容，係 Minolta 年代，

無論做工、手感、散景、色彩都系頂級，

但又因為設計關係，只有手動對焦。

問過價錢，Reflex 500 就賣五千樓下，而 STF 就唔會過八千。

反射甜圈，我都好想玩，不過太貴，我諗都係玩手動俄仔鏡算，

平好多，只係二千樓下。

而 STF，真係好想試下，可惜身邊無人有。

講返我既新玩具，Sony 橙色包裝，

每盒都有 Sony 封條，証明未比人試過，

店員講之前一水貨有 2 張封條，一張係出廠，

另一張係香港代理驗貨貼，不過今水貨就只有得出廠既封條。

各國說明書。

個鏡頭包裝紙係韓文。

己經包埋 Lens Hood，

Sony 橙色接環同橙點，感覺上後生左，不過我都係鐘意以前老老土土既感覺。

拿上手，真係好輕，同而家手頭上三技鏡比，

支17-35 同 70-210，就重到成支鐵咁。

就算連埋 Hood，都短過支 17-35，幾方便。

相，就聽晚學整蛋糕先影。

今日再次去白泥，每次去個景色都唔同，

都好耐無試過咁平靜了，

望住個海，海風輕輕吹過，吹走一切憂傷。

可能自閉得太耐，而家放假，

反而唔想去 D 咁多人既地方。

其實，香港靚既地方好多，

而自已知既、去過既實在太少，

希望遲 D 有機會走遍每一達地方啦。

影完相就再同朋友去黃金海岸香辣屋食飯，

好耐無去黃金海岸，其實同以前既回憶無關。

曾經同人約定，每年都要去黃金海岸畫一幅畫，

但前塵往事不復還。

係等朋友果時無聊又影幾張相，我諗落返腳架會好好多。

而家就影到好鬼鬼。。嘻。

*****

最近，有幾個朋友都有感情問題，

我係感情問題上，充滿矛盾，我既睇法一 d 都唔理性，

更可以講的係較為放縱。

我認為應該尊重自已既感情，如果愛得起，應該愛得盡 D。

盡過力都失敗，就會死心，不過最緊要知自已須要咩。

每個人戀愛既目的都唔同，無對同埋錯。

有人因為寂寞，有人因為將來，

有人因為好勝，有人因為緣份，有人因為一個人，

有人因為利害關係，有人唔知為咩，有人因為戀愛而戀愛。

*****

為什麼他這樣對妳？

為什麼他的行為不像其他人對情人般？

為什麼他對妳若即若離？

為什麼他不重視妳，莫視妳？

有時，男人有很多借口，工作忙、我很累、沒時間。

其實，答案好簡單，就系他不愛妳。

他不愛妳，或者，他不如妳想像中愛妳。

可能我既答案太直接，太盡。

講真，愛妳的話，怎會咁對待妳？

係時間好好諗下自已想行邊條路。

鳳園位於大埔市郊，距離大埔市中心只有2公里，

是香港和亞洲區著名的賞蝶地點。

早於1980年，鳳園約42公頃土地已被列入「具特殊科學價值地點」。

當中約8%（即5公頃）屬私人土地，甚具保育價值。

及後，城市規劃委員會把鳳園的發展列入規劃圖則。

2004年，鳳園的整體生態評級排名全港第六位。

跟據大埔環保會於2003至2004年期間的觀察結果與及其他機構和人士的有關資料，

鳳園的蝴蝶品種最少高達150個，佔全港總數約240個蝴蝶品種的六成以上，

當中約有50個品種屬本港不常見的蝴蝶，

因此鳳園是現時已受保育地區以外蝴蝶資源最豐富的地區。

鳳園蝴蝶保育區成立背景

• 「鳳園蝴蝶保育區」由一群不同背境但熱心生態保育的香港人籌劃，第一屆義務管理委員會和顧問委員會於2004年8月籌組成立，這兩個委員會乃屬於大埔環保會有限公司（不牟利非政府組織）轄下。
• 保育區位於「鳳園谷具特殊科學價值地點」內的私人土地，第一期的管理面積約3萬平方英呎，由大埔環保會負責進行管理和推行保育措施，保育區的成立和運作乃自付盈虧。
• 鳳園蝴蝶保育區及有關計劃得到鳳園村原居民支持和參與，體現「可持續發展」理念。
• 保育區的建設和持續由一群核心義工和參觀保育區的市民大眾參與，百分百香港製造。

*****

諗住今朝一早訓醒就去鳳園影相，點知訓醒都十二點。

—點去到鳳園，管理員去曬食飯，比唔到入場費。

因為無停車場，架車就咁放係鳳園路邊就得。

第一次去，見到個牌寫住鳳園徑就行上去，

越行越唔對路，靜英英，行到上山頂人影都無隻。

行返落山，原來之前有條小路行入保育區，

入到去，發覺有好多人係度影相。

講真，班人好嘈。

太多人，又曬，好快就影完，點幾就走。

管理員仲未返，只好下次再比返入場費。

今日影既相 http://www.flickr.com/photos/edmundd5d

*****

唉，夜晚搵到段文，唔知幾時既，不過政府對環保莫視既態度，

部門之間既推搪，真係令人失望。

大 埔 鳳 園 原 本 一 年 四 季 漫 天 蝴 蝶 飛 舞 ， 近 數 個 月 卻 遭 兩 名 專 捉 罕 有 蝴 蝶 的 蝴 蝶 殺 手 摧 殘 ， 漁 農 自 然 護 理 署 卻 又 漠 不 關 心 ， 香 港 鱗 翅 目 學 會 憂 慮 ， 該 處 的 灰 蝶 及 其 他 罕 有 蝴 蝶 近 日 數 量 已 大 減 ， 沒 多 久 鳳 園 內 罕 有 的 蝴 蝶 更 會 全 部 消 失 。

鳳 園 位 於 大 埔 沙 螺 洞 附 近 ， 區 內 有 多 達 一 百 一 十 四 種 不 同 品 種 蝴 蝶 ， 當 中 更 包 括 受 本 港 法 例 保 護 的 裳 鳳 蝶 ， 所 以 鳳 園 已 被 政 府 列 為 具 特 殊 科 學 價 值 地 。
幼 蟲 蝶 蛹 亦 取 走

鳳 園 一 直 是 賞 蝶 人 士 的 樂 園 ， 近 日 踏 入 深 秋 ， 更 應 是 罕 有 灰 蝶 活 動 的 旺 季 ， 一 群 賞 蝶 發 燒 友 發 現 ， 灰 蝶 及 其 他 罕 有 蝴 蝶 數 量 大 減 ， 他 們 估 計 是 因 為 鳳 園 多 個 月 來 經 常 有 兩 名 手 持 捕 蝶 網 的 日 籍 人 士 違 法 捉 蝶 有 關 。
香 港 鱗 翅 目 學 會 會 長 饒 戈 指 出 ， 今 年 年 中 已 見 該 兩 名 操 日 語 男 子 在 鳳 園 捕 蝶 ， 二 人 手 法 專 業 ， 配 備 拍 打 樹 葉 的 長 木 杆 、 捕 蝶 網 及 收 藏 蝴 蝶 的 精 美 皮 套 ， 「 佢 好 專 業 ， 專 捉 罕 有 品 種 ， 網 到 隻 蝴 蝶 後 ， 捉 住 隻 蝴 蝶 胸 部 ， 壓 暈 佢 ， 然 後 用 張 三 角 紙 收 起 ， 重 有 個 好 靚 皮 套 夾 住 」 。

業 餘 生 態 攝 影 師 戴 志 昌 稱 ， 近 月 每 次 到 鳳 園 也 見 到 該 兩 名 蝴 蝶 殺 手 ， 他 們 只 捕 罕 有 的 蝴 蝶 ， 其 他 誤 捕 的 品 種 則 會 丟 在 草 地 上 。
饒 戈 亦 補 充 ， 指 二 人 甚 至 乎 將 幼 蟲 ， 以 及 掛 在 樹 葉 上 快 將 成 蝶 的 蛹 取 走 ， 情 況 令 人 憂 慮 。

饒 戈 表 示 ， 上 月 中 曾 致 電 漁 農 自 然 護 理 署 舉 報 ， 當 時 漁 護 署 人 員 請 他 致 電 大 尾 篤 管 理 站 ， 但 管 理 站 人 員 卻 稱 該 處 應 屬 鶴 藪 管 理 站 管 轄 範 圍 。

管 理 站 互 相 推 搪
後 來 又 有 一 次 有 生 態 攝 影 師 見 到 該 兩 名 蝴 蝶 殺 手 ， 他 們 致 電 鶴 藪 管 理 站 ， 該 站 的 職 員 又 稱 要 找 大 尾 篤 的 職 員 處 理 。 這 群 生 態 攝 影 師 日 前 已 去 信 漁 護 署 署 長 投 訴 。

政 府 對 特 殊 科 學 價 值 地 的 保 育 工 作 少 之 又 少 ， 又 不 願 標 示 出 來 以 防 土 地 內 罕 有 的 物 種 被 破 壞 ， 饒 戈 認 為 ， 這 些 具 特 殊 科 學 價 值 土 地 ， 每 處 都 有 豐 富 的 生 態 資 源 ， 也 屬 於 市 民 大 眾 ， 政 府 應 清 楚 列 出 來 ， 讓 公 眾 人 士 也 可 以 分 享 。 他 指 出 ， 香 港 值 得 觀 賞 的 地 點 甚 多 ， 讓 市 民 多 看 多 了 解 ， 反 而 有 助 保 護 環 境 。

漁 護 署 稱 曾 警 告
漁 護 署 發 言 人 強 調 署 方 收 到 投 訴 後 曾 到 過 鳳 園 巡 查 兩 次 ， 其 中 一 次 更 遇 上 有 人 在 該 處 手 持 捕 蝶 網 ， 職 員 即 時 向 他 口 頭 警 告 。 她 表 示 ， 按 野 生 動 物 保 護 條 例 ， 捕 捉 裳 鳳 蝶 是 違 法 ， 初 犯 最 高 可 罰 五 萬 元 ， 再 犯 可 罰 十 萬 元 及 入 獄 一 年 。

上次報中大就無位，結果沉晚就去報左工聯會。

下個月開始星期六返學，都好既，

反正放假都無野做。

**

越睇支 50/1.4 就越鐘意，何況我無依個蕉段既鏡。

想去買，點知又無晒貨，下水又唔知要等幾耐。

**

再之前訂個機相袋又未返袋，

想買個出街袋仔又未買到，

月頭諗住獎下自己，仲準備今個月狂買野，

結果乜都未買到。

Sony 終於將 D 鏡頭減返少少價，

50mm/1.4 $2360，

FVL56AM $2450，

雖然仲係比當年 Minolta 時仲係貴，不過都叫做合理水平，

加埋唔洗五千，搞到我心動又想賣家。

而鏡神 70-200 2.8G ssm 響香港仲未見影，

台灣就出左，不過對返港紙就要成萬七。

萬七，果然係發夢果時先買到。

******

近排好鐘意幾首歌。

好似張信哲既做你的男人，好似講緊平凡人既愛情故事，

好鐘意依種感覺，平平凡凡既事，淡淡的愛但包含深刻既感情。

有朋友話，希望搵到一個好似首歌入面既男人，

而佢男友就話現實生活係無可能有依種人。

好奇怪個男人會咁講？

其實我諗大前題係，個男人有幾愛個女人？

只要是真心喜歡，這首歌入面講既野，實在很平常。

*****

對喜歡既人好是天經地意，曾經，

只要是喜歡，我們每天是情人節。

只要是妳累了，我會背住妳，當然妳要減減肥，唔係我唔會行得好遠。

知妳怕行雷閃電，會同妳講笑話，同你傾計，引開妳注意力。

知妳訓唔著，我床頭準備左本一千零一夜，我會講 D 好悶既故事令妳眼訓。

當出現問題，大家都己經好難過，但首先照顧妳感受，

就算將來結果點都好，但我地曾在一起過。

我前世、前前世、前前前世欠妳的，所以今世，下世，下下世都會對妳好。

*****

剛剛轉左首歌，係 FIR 既天天夜夜。

首歌出左好耐，只當佢係一般既返唱歌，一值無留意，

但最近係收音機聽到，突然愛上。

唔知點解每次聽依首歌都有毛管棟、打冷震既感覺。

*****

仲有一首歌，係張敬軒既 Dear U，

首歌係講朋友離去既傷痛，每次聽，

就會諗返起呀囡病危既日子，對眼不其然就會充滿眼淚水。

記得有次響圖書館借左本書，本書好細好薄，書名唔記得左，

係講一隻狗同佢主人既生活所碎事，

當睇到最後狗狗得病要離開主人果時，

我簡直喊到收唔到聲，里埋係披入面大喊。

咁以後我就好驚睇到 小Q 呀、雪犬果類戲，我怕頂唔順。

今朝訓到十一點先起身，全家人去曬廣交會，

正好比時間我搞間房，首先由最易既整櫃仔開始先。

*****

開頭就係好易。

到摟螺絲果時就知金，摟好曬加埋 D 個碌，

真係手都斷，成對手又紅又腫。

*****

搞掂最易既櫃仔之後就入正題，就係搬走個衣櫃。

執曬 D 衫出黎先發覺門口唔夠位搬出個衣櫃，

咁為有拆散佢先搬出去。

分屍既過程太過暴力，太過混亂，仲有少少奶野既感覺。

由於感覺太複雜，所以就無影相啦。

個幾鐘之後，就清好個位，仲拖埋地。嘻。

之後就好容易砌，就咁加個架，砌埋 D 板就搞掂。

*****

係拆衣櫃果時發現有兩舊野幾岩用，

咁就將我本來個 idea 改曬。

將佢鑲係架邊既木邊上面，再加埋中間條鐵通。

咁就可以用黎掛衫。

基本上，己經完成曬，之後既就系搞清潔，

清下 D舊衫，同埋掛返 D 衫上去。

放曬之後都成八點幾，

太大塵，搞到鼻敏感，仲係好亂，太多書未執。

發覺要加多一塊層板同木櫃先夠，

仲要加多塊布遮住 D 衫。

等我星期二去宜家買埋佢。

**********

原來石硤尾村要拆，唉，今晚睇新聞先知，

依類屋村我細過果時都去過。

早知今日去影相啦，唔知聽日可唔可以蛇，

早 D 收工去影，不過我諗都幾難。

咁多年，一直都唔太喜歡影人。

不過 R 就結婚，好有可能要幫佢影 snap。

唔影人，一來無人比我影，

但要我去比幾百蚊 model 費，

幾十人圍住去影我又覺無意思。

二來覺得自已連基本技藝都未學好，

仲未識將自已所想、所感既表達出黎。

睇黎都要報多個人像攝影技巧班上堂學下先。嘻

今日終於做埋最後一次 presentation，不過呀 sir 遲到，

原本有半個鐘做，結果得幾分鐘做。

求求其做完，咁就完左件心事，而家睇下大學果邊幾時畢業，

但系問過畢業禮都要成 08 年先行。

*****

之後去左油麻地"二德惠"報左個 course學整蛋糕，

其實我己經係第二次上去，第一次因為呀囡生日，

所以同 ex-gf 上去買野整曲奇同生日蛋糕比呀囡食。

今次上去，以為報 course，所以上左十樓，

點知上到去先發現十樓就係課室，

係玻璃門仲見到人上堂，仲要係全班都係女仔，無男仔，

唔通真係咁少男仔去學整甜品？

行返落八樓報 course，比以前大左，無以前咁迫咁，

D 員工好有禮貌，又好詳細解釋埋上堂要準備 D 咩。

報左個 Chocolate Concorde 法國朱古力蛋糕，希望到時整到啦。

*****

夜晚，好倦，求其煮熱左 D 冷飯溝埋 D 湯就當一餐。

大半年前，對身邊一切很討倦，希望有所改變，

所以將房既書檯、櫃，書架都換曬。

換曬 D野之後就覺得個衣櫃太大，好阻頂。

所以襯住而家得閒，就睇下點搞埋個衣櫃佢。

等到九點幾宜家送貨黎，今次只係加少少野，所以無上次咁大工程。

不過太夜，都係留返聽日先搞，橫掂聽日都無野做。

今日交左 project 同埋做左 presentation，

只要等到星期六做多次 presentation，

咁就叫做完成個大學課程。

依大半年，功課做左我精神支柱，

為成我逃避感情既借口。

交完 project，突然覺得好失落，

係街一個人係度蕩，完全唔知做咩好。

上星期行街，見到對波鞋幾靚，又唔係貴，咁就買左。

返屋企上網搵返個 model，不過搵極都搵唔到，可能係我對波鞋唔熟啦。

買完鞋，因為而家用緊個背囊都好舊好舊，咁又買左個 Mountain wolf 38L 既背囊，

雖然幾重，但孭落又幾舒服，仲有 2 個超大既紗側袋可以放水壺。

因為第一次買行山袋，好多野唔係好識，

仲諗住搵佢個 web site 睇下，點知又系搵唔到。嗚嗚。

準備開始轉季，又係時間大出血咁買衫，

仲要買多個可以孭埋腳格既相機背囊，仲要去宜家買多個大架整係房。

嘩，今個月放血咁。哈哈。

不過都要等過埋 8號同 14號既 project demo 先，過埋就了左自已一件心事。