22 août
沉晚買左個電子防濕箱。
本來用開紅 A 膠箱，但諗有 d 煩，唔繫好方便。
所以就索性買電子既防濕箱，唔洗煩。
不過買完先發覺房唔多夠位放，
結果執到我死死下先質得落個架上面。
個防濕箱有三格，
一格都夠曬放而家果一部傻瓜，一部 DSLR，一部老爺飛林機。
仲有果兩格就用黎放鏡頭，同埋 filter。
哈哈，過多兩個月等我買多 D 鏡頭質滿佢先。
7 août
全日留係屋企做 porject，
三點幾，無聊睇無線做既"生生不息生命力"。
話說有舊大隕石撞落地球，地球係短短幾日就幾成火海，
將地球上一切一切滅絕。
行到最後，地球終結時最後一刻。
你身邊果個系唔系你最想一齊果個？
果個人又系咪想同你過果最後一刻？
得閒 click 入去睇下。
*****
轉左段video，依首歌我小學聽到而家，但系一值無太留意歌詞。
值到前女友講比人知，話我份人同 D 歌詞好似。
係架，好多野我唔鐘意講出口，要對方自已用心去意會架。
Spaces 轉左新板，唔見有乜好左。
但就好慢好慢，又唔見 support多左野。
都未唔可以就咁系 spaces 插播 youtube D 片。
5 août
前晚雖然只係打三號風球，但就好大風，
坐車返醫院果時發現路邊好多大樹都吹斷左。
返到醫院因為未夠鐘開工就係 OT 門口坐下，
就係果時有個十幾歲既細路女坐左係我身邊，
好鬼大聲咁講電話。
內容同好流利既粗口係鬧鬧鬧，
鬧天文臺唔掛八號風，風親佢點算，
又鬧佢呀媽要佢陪入醫院，自已平時返學都無咁早起身，
又話醫院 D 人唔知點做野要佢等等等係咁等。
又鬧醫院小賣部無英文報紙，搞D人以為佢係流。
又鬧 D 姐姐推床差 D 整到佢，
又鬧醫院無個靚仔，搞到佢想搵個靚仔睇下都無。
之後我去做野無再聽落去。
行過佢身邊，心入面只有唉唉唉，一代不如一代。
大風吹，點解咁多塌樹。其實可以分好多點黎講，
近年香港係咁植樹，係呀，樹係多左好多，
但係就無乜地方比佢地生根。根基打得唔好，當然好易塌。
近依幾年，香港好好采，都無乜大風打過，有都去晒澳門珠海。
無乜經過大風浪，D 樹就好似係溫室長大咁，
完全無危機意識，想點生就點生。
所謂樹大召風，一個大風打埋黎，無料到既當然斷開幾節。
而家依一代細路，社會生活環境好，物質生活要乜有乜。
唔同我地以前，要為生活最基本既衣食住行而擔心。
我真係為而家新一代擔心。
Outils 
